შპს “თბილისის პირველ სამედიცინო სასწავლებელს” ჯანდაცვის სფეროს პროფესიული საგანმანათლებლო პროგრამების წარმატებით განხორციელების მრავალწლოვანი ისტორია აქვს. მიმდინარე წელს თბილისის პირველ სამედიცინო სასწავლებელს 104 წელი შეუსრულდა. სასწავლებელში საუკუნის მანძილზე სამედიცინო დარგის მრავალი წარმატებული სპეციალისტი აღიზარდა, რომლებიც ემსახურებიან ადამიანების ჯანმრთელობის დაცვის საქმეს.

დღემდე სასწავლებელი ინარჩუნებს სამედიცინო სასწავლო დაწესებულების პროფილს და თანამედროვე შრომის ბაზრის მოთხოვნების, სახელმწიფოს პრიორიტეტების შესაბამისი კონკურენტუნარიანი, კვალიფიციური მედიცინის დარგის სპეციალისტების მომზადებისათვის ახორციელებს პროფესიული საგანმანათლებლო პროგრამებს „ფარმაცია (სააფთიაქო)“ და „საექთნო განათლება“, რისთვისაც უზრუნველყოფილია, როგორც სასწავლებლის მატერიალურ-ტექნიკური ბაზა, სრულფასოვანი სასწავლო რესურსი, ადამიანური რესურსი - გამოცდილი პროფესიული განათლების მასწავლებლები, პროფესიული სტუდენტებისათვის სასწავლებლის რეგულაციებით შემუშავებული, სრულფასოვანი სერვისები, ასევე პრაქტიკული კომპონენტისთვის გაფორმებული ხელშეკრულება, სადაც არამარტო სრულფასოვანი პრაქტიკული სწავლების შესაძლებლობაა, არამედ დასაქმების ხელშეწყობა.